Slaveri og menneskehandel er ikkje noko som berre skjedde for lenge sidan. Det skjer kvar dag.

Du sit no med ein heilt ny versjon av Strømmestiftelsens magasin i hendene. Tidlegare heitte bladet Hjelp til Selvhjelp. No har det fått namnet S. Det er ei forenkling av Strømmestiftelsen og S peikar sjølvsagt på oss. Eg håpe du vil like bladet.

I S skal me framleis fortelje deg historiar frå arbeidet. Me vil inspirere og motivere, og skrive om korleis gåvene dine kjem til nytte i kampen mot fattigdom. Me vil og fortelje kvifor det er viktig at me saman fortset denne kampen.

I dette bladet har me gjeve stor plass til menneskehandel, eit av dei mørke kapitla i verdshistoria. For slaveri og menneskehandel er ikkje noko som berre skjedde for lenge sidan. Det skjer kvar dag, og meir enn nokon gang tidlegare. I Nepal samarbeider me med ein organisasjon som hjelper born, som har vore offer for menneskehandel tilbake til eit liv så normalt som det er mogeleg å få til.

I dette bladet kan du og lese om eit vellukka samarbeid med 15 unge kvinner i ei systove i Tanzania, og om korleis ein heil familie fekk betre økonomi og enklare liv gjennom eit prosjekt me hadde i landsbyen deira.

God lesnad og har du kommentarar til bladet – så send meg gjerne eit ord.